Сэлэнгэ аймгийн Сайхан сум Хөтөл тосгоны "Монголын таэквондо хөгжлийн төв" клубийн тамирчин, ОУХМ Б.Баатархүү энэ сарын 25-ны өдөр АНУ-ын Виржиниа мужид зохион явагдсан 44 дэх удаагийн таэквондогийн аварга шалгаруулах нээлттэй тэмцээнд оролцов. Тэрбээр жин өгсөж 74 кг-ийн хар бүс, олон улсын дантай тамирчдын элит ангилалд түрүүлж алтан цом хүртжээ.

      Тус тэмцээнд 1000 гаруй таэквондочид авхаалж самбаа, ур чадвараа сорин оролцсон байна. Б.Баатархүү өрсөлдөгч тамирчдаа хожсоор финалын тулаанд тэрбээр хүнд цохилтоор ялалт байгуулсан байна.

       Тамирчин Б.Баатархүү нь “US Tae Kwon Do college” дээр чөлөөт цагаараа таэквондогийн бэлтгэл сургуулилалтаа хийж мөн Вашингтон Дс хотын их сургуульд мастeрийн зэрэг хамгаалахаар суралцаж байгаа аж.