МУБИС-ийн Биеийн тамирын сургуулийн спортын сэтгүүлчийн хоёрдугаар дамжааны оюутнууд “MNUE OPEN 2023” цуврал тэмцээнд амжилттай ажилласан байна.Тэдний “SJ media” баг, “MNUE OPEN 2023” тэмцээний жүдо бөх, жюү жицүгийн аварга шалгаруулах тэмцээнийг хоёр өдрийн турш цахим контент, мэдээ мэдээллээр түгээжээ.

         Энэ нь сэтгүүлчийн дамжааны оюутнуудад онцлох практик дадлага болсон байна. Оюутнууд Фото зураг, видео бичлэг авч, яриа ярилцлага, цахим контент, зурган мэдээ мэдээллийг хүртэл  бэлтгэсэн аж. Мөн “JUMP” хөтөлбөрийн оюутнуудтай хамтран тамирчдын гэмтэл бэртлээс урьдчилан сэргийлэх, бие бялдрын судалгаа хийжээ.

         Тэдэнд МСБХ-ны Үндэсний дээд лигийн тэмцээнд дадлагажин ажиллаж байгаа спортын сэтгүүлчийн гурав, дөрөвдүгээр дамжааны ах, эгч нар нь тусалсан аж. Спортын сэтгүүлчийн хоёрдугаар дамжааны оюутнууд ирэх дөрөвдүгээр сарын 8-9-ний өдрүүдэд болох  аэробик гимнастикийн тэмцээнд бүрэн бүрэлдэхүүнээрээ ажиллах юм байна.