МҮОХ-ны Гүйцэтгэх зөвлөлийн ээлжит хурал өнөөдөр “Олимпик хаус”-т танхим болон цахим хосолсон хэлбэрээр боллоо. Хурлаар МҮОХ-ны Гишүүдийн хурлаар хэлэлцэх асуудлыг батлав. Мөн МҮОХ-ны гишүүнээр элсэх хүсэлтээ ирүүлсэн зургаан спорт холбооны үйл ажиллагааны төлөвлөгөөг сонслоо.

         МҮОХ-ны Гишүүдийн хурал гуравдугаар сарын 23-ны пүрэв гарагийн 10:00 цагт Корпорейт зочид буудлын их танхимд эхэлнэ. Хурлаар МҮОХ-ны 2023-2024 оны ажлын төлөвлөгөө, төсөв болон дүрмийн нэмэлт, өөрчлөлтийг баталж, гишүүнчлэлийн асуудлыг хэлэлцэн шийдвэрлэх юм.