Боксын эмэгтэйчүүдийн дэлхийн аварга шалгаруулах тэмцээн Энэтхэг Улсын Шинэ Дели хотод үргэлжилж байна. Манай улс эмэгтэйчүүдийн дэлхийн аварга шалгаруулах тэмцээнд нийт 12 хүний бүрэлдэхүүнтэйгээр оролцож байгаа билээ. Энэ удаагийн ДАШТ-д 65 орны 300 гаруй тамирчин өрсөлдөж байна.  Дэлхийн аварга шалгаруулах тэмцээний 54 кг жингийн хоёрдугаар тойрогт М.Энхжаргал, Марокко Улсын тамирчинтай тулалдаж, өрсөлдөгчөө 5:0-ийн харьцаатай буулгаж авав.

         М.Энхжаргал нэгдүгээр тойргийн тулаанд Вьетнамын тамирчин Ти Ким Ан Вогтай тулалдаж гайхалтай эргэн ирэлт хийж, 5:0-ийн харьцаатай оноогоор хожиж ДАШТ эхний ялалтаа авсан билээ. Ийнхүү М.Энхжаргал дэлхийн аварга шалгаруулах тэмцээний хоёр дахь ялалтаа итгэл төгс авлаа.