УИХ-ын гишүүн Б. Баттөмөрийн үүсгэн байгуулсан "УЛААН БЭРС" шатрын клуб 15 дахь удаагийн сургалтаа Дархан сумын ерөнхий боловсролын Дөрөвдүгээр сургуулийн сурагчдын дунд өнөөдөр эхлүүллээ. Энэ удаагийн сургалтад дунд ангийн 20 сурагч хамрагдаж байна.

         Багш, эцэг, эх, асран хамгаалагч болон зохион байгуулагчийн зүгээс хамтран ажиллах гурвалсан гэрээг байгуулснаар үйл ажиллагааг эхлүүллээ. Оюуны гэгдэх шатрын спортын анхан шатны мэдлэг олж авах, цаашид улам хөгжүүлж мэргэжлийн тамирчин болоход гэр бүлийн дэмжлэг чухал байгааг нээлтийн үеэр ирсэн эцэг, эхчүүдэд онцолж хэллээ.

          Сургалтад хамрагдаж буй эдгээр хүүхдүүдээс шатрын клубийн тамирчин бэлтгэгдэж аймаг, бүс, улс, олон улсын тэмцээнд амжилт гаргасан шилдэг тамирчид төрнө гэдэгт итгэлтэй байгаа ажээ.