Б.Бат-Өлзий зааны уран хурц барилдаан үзэгчдийг шуугиулаад эхэллээ. Цагаан сарын барилдаанд түрүүлж, саяхан болсон хоёр барилдаанд түрүүлж, үзүүрлэлээ. Эр баяр, бэлтгэл сайн байгаагаа батлан харуулж чадав. Ардын хувьсгалын 100, 101 жилийн ойн баяр наадамд долоо даван заан цолны эзэн болсон. Б.Бат-Өлзий заан бол хамгийн жудагтай бөх. Тэр унасан ч давсан ч нэг л зангаараа байдаг. Хөх тэнгэрээ бэлгэдэж цэнхэр далбаа шуудгаа өмсөөд дэвжээнд дэвэн гарахдаа унана гэж үгүй. Өрсөлдөгчөө чанга унгах, нидрэх зэргээс болгоомжилдог нь барилдаанаас илт харагддаг. Өрсөлдөгчөө өвдөг шороодуулчихаад тэр бусад шиг дэвхцэн гүйгээд явчихдаггүй. Харин босгохоор татан харагддаг.

Өрсөлдөгчөө чанга унгах, нидрэх зэргээс болгоомжилдог нь барилдаанаас илт харагддаг

Эрийн дээд эр, жудгийн эзэн тэрбээр, Ховд аймгийн Зэрэг сумын харьяат бөх, улсын заан Баярхүүгийн Бат-Өлзий нь 1992 оны зургаадугаар сарын 08-ны өдөр мэндэлсэн. Энэ жил 31 нас хүрч яваа залуу бөх юм. Үндэсний бөхөөр “Алдар” спорт хороо, “Монтед” констракшн, Зэвсэгт хүчний 034 дүгээр анги, “Өнө мөнх хөгжил констракшн” ХХК-д харьяалагддаг билээ. 2008 онд Зэрэг сумынхаа наадамд түрүүлж сумын заан цол хүртэж байжээ. Түүний дараа 2013 онд цэргийн начин, аймгийн харцага цол хүртсэн. Харин удаах жил нь Ховд аймгийн баяр наадамд үзүүрлэн аймгийн заан цол хүртэж байсан бол тэр жилдээ Орхон аймгийн баяр наадамд найм даван түрүүлж аймгийн арслан цол хүртэж байсныг бөх сонирхогчид биз.

Эр бяр тэгширсэн залуу заан мань олныхоо итгэлийг алдахгүй аварга болж чадна. Учир нь түүнд Монголын ард түмэн итгэж байгаа.

Тэрбээр 2019 оны АХ-ын 98 жилийн ойн баяр наадамд аймгийн арслан Б.Отгонбаатараар дөрөв, аймгийн арслан Б.Бат-Амгалангаар тав даван шөвгөрч, 100, 101 жилийн ойн баяр наадамд аймгийн арслан Ч.Эрдэнэсайханаар дөрөв, улсын начин Б.Ганхуягаар тав, аймгийн заан Э.Энх-Амгалангаар зургаа, улсын харцага Н.Золбоогоор долоо давж Монгол улсын заан цол хүртээд байна.

Чансаагаар улсын наадмын дараа ордог Цагаан сарын барилдаанд хоёр удаа түрүүлсэн, Ерөнхийлөгчийн цомын нэрэмжит 256 бөхийн чансаа өндөр барилдаанд хоёр дараалан түрүүлсэн, “Бөхийн өргөө”-нд болсон барилдаануудад тогтмол шөвгөрч, үзүүр, түрүүнд хүрч барилдан үзэгч түмнээ баясгаж явна.

Тэрбээр улсын заан цол хүртэхдээ

• Нэгийн даваанд Тува улсын бөх Шойдун Сабудай
• Хоёрын даваанд Ховд аймгийн начин Б.Дэнзэнсамбуу
• Гурвын даваанд улсын начин М.Жамъянпүрэв
• Дөрвийн даваанд Говь-Алтай аймгийн арслан Ч.Эрдэнэсайхан
• Тавын даваанд улсын начин Б.Ганхуяг
• Зургаагийн даваанд Булган аймгийн заан Э.Энх-Амгалан

Долоогийн даваанд улсны харцага Н.Золбоо тус давсан. Харин наймын даваанд Улсын арслан Б.Орхонбаярт унаж, баяр наадмаа өндөрлөсөн билээ. Түүнийг аварга цолонд хүрнэ хэмээн бөх сонирхогчид дуу нэгтэй хэлж байна. Эр бяр тэгширсэн залуу заан мань олныхоо итгэлийг алдахгүй аварга болж чадна. Учир нь түүнд Монголын ард түмэн итгэж байгаа.