Монголын сагсан бөмбөгийн холбооны өсвөр үеийн “U14” насны улсын аварга шалгаруулах тэмцээн өндөрлөв. Тус улсын аваргын хөвгүүдийн алтан медалийг “Модун чононууд” баг, мөнгөн медалийг Багануурын  “RAIDS” баг, хүрэл медалийг Өмнөговь аймгийн баг хүртжээ. Харин охидын тэмцээний алтан медалийг “Этүгэн” баг, мөнгөн медалийг Баянгол дүүрэг, хүрэл медалийг Дундговь аймгийн баг авсан байна.

       Тэмцээний “MVP” буюу үнэ цэнтэй эрэгтэй тоглогчоор Дөлгөөнтамир “Модун чононууд”,  эмэгтэй тоглогчоор Анунгоо “Этүгэн” нар  тодорчээ. Тус тэмцээний эрэгтэй “Шилдэг дасгалжуулагч”-аар “Модун чононууд”-ын Д.Отгонбаатар, Багануурын “RAIDS” багийн Т.Билгүүнбаатар, Өмнөговийн Д.Өлзийбат, эмэгтэй “Шилдэг дасгалжуулагч”-аар “Этүгэн” багийн Б.Цацрал, Баянгол багийн Б.Мөнхбаатар, Дундговь аймгийн Буянтогтох нар шалгарсан байна.