Гүрж Улсын нийслэл Тбилис хотод энэ сарын 24-26-ны өдрүүдэд жүдо бөхийн их дуулга тэмцээн болох гэж байна. Энэ удаагийн гранд слам тэмцээнд одоогоор 56 орны эрэгтэй 191, эмэгтэй 195, нийт 386 жүдоч барилдах урьдчилсан мэдүүлэг өгчээ.

        Манай улсаас 60 кг-ын жинд дэлхийн аваргын мөнгөн медальт ОУХМ Э.Ариунболд, 66 кг-д дэлхийн аваргын хүрэл медальт, Ази тивийн аварга ОУХМ Ё.Басхүү, 73 кг-ын жинд дэлхийн аварга, гавьяат тамирчин Ц.Цогтбаатар нар барилдана. Эрэгтэйчүүдийн 81 кг-ын жинд ОУХМ Г.Болор-Очир, -100 кг-ын жинд ОУХМ Б.Гончигсүрэн, +100 кг-ын жинд ОУХМ О.Цэцэнцэнгэл нар хүч сорино.

       Харин 48 кг-ын жинд ОУХМ Г.Наранцэцэг, Б.Баасанхүү, 57 кг-д ОУХМ М.Ичинхорлоо, 63 кг-д  Ази тивийн аварга ОУХМ Б.Ганхайч, 70 кг-д ОУХМ Б.Баасанхүү, Б.Ням-Эрдэнэ, -78 кг-д О.Хүслэн, +78 кг-ын жинд ОУХМ А.Адъяасүрэн нар барилдах урьдчилсан мэдүүлэг өгсөн байна.

     Тус гран сламын эрэгтэйчүүдийн 60 кг-ын жинд 20 бөх, 66 кг-д 39 бөх, 73 кг-д 41 бөх, 81 кг-д 31 бөх, 90 кг-д 20 бөх, -100 кг-д 22 бөх, +100 кг-д 18 бөх барилдах аж. Эмэгтэйчүүдийн 48 кг-ын жинд 28 бөх, 52 кг-д 30 бөх, 57 кг-д 35 бөх, 63 кг-д 33 бөх, 70 кг-д 25 бөх, -78 кг-д 20 бөх, +78 кг-ын жинд 24 бөх барилдана.