Волейболын идэрчүүдийн “U-18” улсын аварга шалгаруулах тэмцээн хангай бүсийн тэмцээн энэ сарын 6-9-ний өдрүүдэд Арвайхээр хотноо амжилттай зохион байгуулагдлаа. Тэмцээнд 16 багийн 240 тамирчин оролцсон байна.

       Тэмцээний охидын тэргүүн байрыг Идэрбаясгалан ахлах дасгалжуулагчтай Сүглэгмаа ахлагчтай Баянхонгор аймгийн нэгдүгээр баг, хоёрдугаар байрыг Алтанхүү эзэнтэй Батбаяр ахлах дасгалжуулагчтай, Эрдэнэбат туслах дасгалжуулагчтай Оюун-Ундрал ахлагчтай Өвөрхангай “Хашхан” баг, гуравдугаар байрыг Ханддорж ахлах дасгалжуулагчтай Баттцоож туслах дасгалжуулагчтай, Шинэсаран ахлагчтай, Булган аймгийн БТСГ-ын оржээ.

    Хөвгүүдийн тэргүүн байрыг  Пүрэвлхагва багийн эзэнтэй, Одгэрэл ахлах дасгалжуулагчтай, Билгүүн ахлагчтай, Орхон аймгийн шигшээ баг, хоёрдугаар байранд Идэрбаясгалан ахлах дасгалжуулагчтай, Мөнхтэмүүлэн ахлагчтай, Баянхонгор аймгийн нэгдүгээр баг, гуравдугаар байрыг Ханддорж ахлах дасгалжуулагчтай, Баттцоож туслах дасгалжуулагчтай, Анударь ахлагчтай Булган аймгийн БТСГ-ын баг  тус тус эхний гурван байранд шалгарч, улсын аварга шалгаруулах тэмцээнд оролцох эрхээ авлаа.

     Тэмцээний “Шилдэг холбон тоглогч”-оор Орхон аймгийн Э.Билгүүн, Өвөрхангай аймгийн “Хашхан” багийн Х.Оюун-Ундрал, “Шилдэг довтлогч”-оор Булган аймгийн Д.Мөнхжаргал, Булган аймгийн Х.Анударь, “Шилдэг тэгш тоглогч”-оор Баянхонгор аймгийн Э.Сүглэгмаа, Баянхонгор аймгийн Ж.Бат-Эрдэнэ нар шалгарлаа.