Самбо бөхийн дэлхийн хошой аварга, Монгол Улсын гавьяат тамирчин Ганхуягийн Үүрцолмонгийн нэрэмжит самбо бөхийн өсвөр үеийн улсын аварга шалгаруулах тэмцээн ирэх дөрөвдүгээр сарын 5-9-ний өдрүүдэд Төв аймагт болно.

        Энэ удаагийн УАШТ ахлах нас, сурагчдын нас, дунд нас, бага нас гэсэн ангиллаар явагдана. Ахлах насны ангилалд 2005-2006 онд төрсөн хүүхдүүд барилдана. Хөвгүүд 53,58, 64, 71, 79, 88, 96, +98 кг, охид 47, 50, 54, 59, 65, 72, 80, +80 кг-ын жинд өрсөлдөнө. 

          Сурагчдын нас 2007-2008 онд төрсөн хүүхдүүд оролцох эрхтэй. Хөвгүүд 46, 49, 53, 58, 64, 71, 79,-88, +88 кг, охид 41, 44, 47, 50, 54, 59, 65, 72, +72 кг-ын жинд барилдана. Дунд насанд  2009-2010 онд төрсөн хүүхдүүд оролцох юм. Хөвгүүд 35, 38, 42, 46, 50, 54, 59, 65, +65 кг охид 34, 37, 40, 43, 47, 51, 55, 59, +59 кг-ын жинд өрсөлдөнө.

          Бага насны ангилалд 2011 оноос хойш төрсөн хүүхдүүд барилдах эрхтэй. Хөвгүүд 28, 31, 34, 38, 42, 46, 50, 55, -60, +60 кг-ын жинд, охид 34, 37, 40, 43, 47, 51, -55, +55 кг-ын жинд өрсөлдөх юм.