ХБНГУ-ын Хейделберг хотын гимнастикийн холбоо, Монголын гимнастикийн холбооны хамтын ажиллагааны хүрээнд гимнастикийн үндэсний шигшээ багийн спортын гимнастикийн баг тамирчид Хейделберг хотноо олон улсын хамтарсан бэлтгэлд хамрагдаж байна.

        Энэхүү хамтарсан бэлтгэлд оролцоход Засгийн газрын тохируулагч агентлаг  БТСУХ, Үндэсний шигшээ багийн хамт олон, “Игүүр Контент” ХХК-ийн хамт олон, Хейделберг хотын гимнастикийн холбооны Удирдах зөвлөлийн гишүүн, Ноён Клаус Креутз, Монголын гимнастикийн холбооны Удирдах зөвлөлийн гишүүн, Хатагтай Н.Басан Н.Батсайхан нар хамтарч, дэмжиж ажилласан байна.

       Тус хамтарсан бэлтгэлд Гимнастикийн үндэсний шигшээ багийн дасгалжуулагч ОУХМ Д.Оюунтуяа, Гимнастикийн үндэсний шигшээ багийн тамирчин ОУХМ Д.Энхтүвшин, спортын мастер Э.Өсөхбаяр нар багтаж байгаа юм.

       Манай баг тамирчид Хейделберг хотноос Франкфурт, Станбул хотоор дамжиж Азербайжаны Баку хотноо 2023 оны гуравдугаар сарын 8-ны өдөр очиж дэлхийн цомын аварга шалгаруулах тэмцээнд оролцох болно