Даамын өсвөр үеийн 2023 оны улсын аварга шалгаруулах тэмцээн энэ сарын 26-30-ны өдрүүдэд Баянгол дүүргийн 78 дугаар дунд сургууль болон 93 дугаар дунд сургууль дээр болно. Тэмцээний охид, хөвгүүдийн 5-6, 7-8, 9-10, 11-13, 14-16 насны ангиллаар явагдана.

        Тус тэмцээн 100 буудалт даамын үндсэн, рапид, блиц, 64 буудалт даамын үндсэн, блиц төрлүүдээр зохиогдоно. Харин 64 буудалт даам нь орос дүрмээр тоглоно.

        Урьдчилсан шатнаас буюу аймагт эхний гурав, дүүрэгт эхний таван байр эзэлсэн тамирчид тус тэмцээнд оролцох эрхтэй. Эрх авсан тамирчид дээрх таван төрөлд, эрх аваагүй нь 64 буудалт даамын төрлүүдэд оролцох боломжтой.

 Тэмцээн явагдах газар:

• 5-6 насны охид хөвгүүд – 93 дугаар сургууль

• 7-8 насны охид хөвгүүд – 93 дугаар сургууль

• 9-10 насны охид хөвгүүд – 78 дугаар сургууль

• 11-13 насны охид хөвгүүд – 78 дугаар сургууль

• 14-16 насны охид хөвгүүд – 78 дугаар сургууль