Монголын жюү жицүгийн тамирчид хоёрдугаар сарын 22-28-ны өдрүүдэд Тайланд Улсын нийслэл Бангкокт хотод болсон  Ази тивийн аварга шалгаруулах тэмцээнд оролцлоо. Тус тэмцээнээс манай тамирчид нэг мөнгө, хоёр хүрэл медаль хүртэв.

      Долоо дахь удаагийн тэмцээнд 94 кг-ын жинд МУБИС, “Jump MGL” клубийн тамирчин Г.Гантулга мөнгө, 45 кг-д “BB Jiujitsu academy”-ын тамирчин Н.Буянжаргал, 77 кг-д “Ralph Grecie Mongolia” клубийн тамирчин Ж.Дагвасүрэн нар хүрэл медаль тус тус хүртсэн.

      Мөнгөн медаль хүртсэн “Jump Mongolia” академийн тамирчин Галсандоржийн Гантулга Азийн холбооны "Dedication award" шагналын эзэн болжээ. Монголын жюү жицүчид Бангкок хотод хамтарсан бэлтгэлд хийгээд гуравдугаар сарын 4-нд болох “Thailand Pro” тэмцээнд үргэлжлүүлэн оролцоно.