Энэ өдөр олон улсын хэмжээний мастер Одсүрэнгийн Болд-Эрдэнийн төрсөн өдөр тохиож байна. О.Болд-Эрдэнэ Монголын жюү жицү бөхийн холбооны ерөнхий нарийн бичгийн даргын албыг хашдаг. Тэрбээр жюү жицүгийн спортыг өөрийн эх орондоо хөгжүүлэх, түгээн дэлгэрүүлэхээр олон үйл ажиллагааг гардан хийж байгаа шилдэг удирдагч, менежер юм. Бөхийн спортыг хэрхэн бүх нийтийн спорт болгох вэ гэдгийг үлгэрлэн харуулж байгаа. Асар богино хугацаанд монголын жюү жицүгийн бөхчүүдийг олон улс, тив дэлхийн түвшинд хүргэн хөгжүүлж чадсан гавьяатан юм.

             О.Болд-Эрдэнэ жүдо бөхийн шилдэг тамирчдын нэгэн байлаа. Тэрбээр жүдо бөхөөр Зүүн Азийн аваргаас мөнгө, “Sensei-cup” алт 2008, “RAILWAY CUP-2009” ОУТ, “Chinggis Khaan” World cup”-ээс хүрэл, “POLICE CUP-2010” мөнгө, “Мастерс”-аас алтан медаль хүртэж байв. Харин жюү жицү бөхөөр Азийн АШТ-ий мөнгө, “ US open”, “New York open”, ДАШТ-ээс хүрэл, “Chicoga Open” ОУТ-ээс мөнгө “Tokyo Open” ОУТ-ээс алт, “American cup ”,  “Nor Cal Open”, 2012, 2013,  оны Азийн АШТ-ээс алт,  2013, 2014, 2015 онд “Мастерс”-ын ДАШТ-ээс алтан медаль хүртэж байлаа. Мөн кураш бөх, бүстэй барилдааны Азийн аварга юм. Жюү жицүгийн монголын анхны хар бүстэн тамирчин юм.