Монголын сагсан бөмбөгийн холбооны дээд лигийн бүх оддын тоглолт өчигдөр орой явагдаж өндөрлөв. Эрэгтэй бүх оддын тоглолтод "Team International" баг 106:140-аар хожиж. “Налайх Бизон” багийн Жорж Уильямс “MVP” шагналын эзэн болсон. Эмэгтэй бүх оддын тоглолтод “Team Khulan” 97:96-гаар ялалт байгуулж, “MVP” тоглогчоор “Отгонтэнгэрийн Шилүүснүүд” багийн Б.Болор-Эрдэнэ тодров.

         Харин  цагариган дээрээс довтлох тохолтын тэмцээний ялагчаар  “IHC Apes” багийн тоглогч Дюррелл Саммерс, ур чадварын тэмцээний ялагч О.Энхбаатар, О.Хулан, Жорж Уильямс нар шалгарсан.

       Эрэгтэй гурван онооны шидэлтийн аваргаар “Хасын Хүлэгүүд” багийн Ц.Азбаяр, эмэгтэй гурван онооны шидэлтийн аваргаар “Erdenet Miners” багийн тоглогч Э.Чимэддолгор нар тодров. Холимог оддын тоглолтод “Улаан баг” 51:48-аар ялалт байгуулж, хожлын оноог авчирсан, МҮОХ-ны ерөнхийлөгч Б.Баттүшиг тоглолтын “MVP”-ээр тус тус тодорлоо.