Олон улсын таэквондогийн монголын холбооны бүсний ангилал ахиулах, зэргийн болон даны нэгдсэн шалгалт боллоо. Энэ удаагийн шалгалт энэ сарын 11-ний өдөр болж өндөрлөлөө. Тус шалгалтад “Төгс эр зориг” клуб, Монголын үндэсний их сургууль, “Цэлмэг” сургууль, “Мөнх хөх сүлд”, “Чоно”, “Төв” клубийн зургаан байгууллагын 90 гаруй тамирчин хамрагджээ. Тамирчид зэргийн болон хар бүс, олон улсын нэгдүгээр даны шалгалтаа амжилттай өгсөн байна. Дараагийн хуваарьт шалгалт энэ оны гуравдугаар сарын 4-10-ний өдрүүдэд болох юм байна