Орос, Украины дайны улмаас олон улсын тэмцээнд оролцох эрхээ хасуулаад байгаа ОХУ-ын тамирчид хориг хэзээ дуусахыг хүлээсээр байна. Харин энэ хориг дуусах эсэх, эсвэл хэдэн жил үргэлжлэх эсэх нь тодорхойгүй хэвээр.

            Орос, Украины дайн хэзээ дуусахыг ОХУ-ын ерөнхийлөгч В.Путин,  АНУ-ын ерөнхийлөгч Жо Байден нар ч хэлж чадахгүй байгаа юм . Ийм нөхцөлд Азийн олимпын зөвлөлөөс ОХУ, Беларус Улсын тамирчдыг Азийн тэмцээнд оролцохыг урьсан билээ. Харин ОХУ-ын хөлбөмбөгийн холбоо удтал хэлэлцсэний эцэст Ази тивд шилжихгүй байх шийдвэр гаргасан.

             Тэгвэл Оросын шатрын холбоо Азийн шатрын холбоонд нэгдэж байгаагаа зарлаж, тэд Европын тивийн шатрын холбооноос албан ёсоор өгсөн байна. Одоо Оросын шатрын холбоо, Азид нэгдсэн ОХУ-ын анхны спортын холбоо боллоо. Тус холбоо Европын тэмцээнд оролцохоор дахин дахин оролдлого хийхээс залхсан гэнэ. Оросын Шатрын холбоо Ази тивд шилжсэнээр шатарчид нь тэмцээнд оролцох боломж нэмэгдэх аж. Мөн Азийн шатрын өрсөлдөөний түвшин Европоос илүү гэж Оросын шатрын холбоо үзсэн байна. Орос шатарчид дэлхийн цомд Ази тивээс эрхээ авч оролцох юм. Энэ сарын сүүл, гуравдугаар сарын эхээр орос шатарчид албан ёсоор Азийн холбооны гишүүн болно.