Казахстан Улсын жүдо бөхийн холбоо дэлхийн гранд сламыг Казахстан Улсад зохион байгуулах Олон улсын жүдо бөхийн холбоо (IJF)-той дөрвөн жилийн гэрээ байгууллаа.

     Парисын гранд слам тэмцээний хүрээнд Казахстаны Жүдо бөхийн холбоо болон Олон улсын жүдо бөхийн холбооны албан ёсны уулзалт боллоо. Уулзалтын үеэр Олон улсын жүдо бөхийн холбооны ерөнхийлөгч Мариус Визер, Казахстаны Жүдо бөхийн холбооны ерөнхийлөгч Куанышбек Эсекеев нар хоёр талын хэлэлцээрт гарын үсэг зурлаа.

      Хоёр талын хэлэлцээрийн дагуу Казахстан Улс 2023-2026 оны хооронд дэлхийн гранд слам тэмцээнийг зохион байгуулна. Тэмцээн Астана болон Алматы хотуудад “Казахстаны барысы гранд слам” нэртэйгээр болно. Мөн тэмцээн дууссаны дараа жил бүр олон улсын бэлтгэлийн бааз зохион байгуулна.