Балба Улсад “U18” хүртлэх насны “J60” ангиллын талбайн теннисийн дэлхийн эрэмбийн оноо цуглуулах цуврал тэмцээн болж байна. Манай улсын шилдэг теннисчид болох Ч.Мартаа, Ч.Маралгоо нарын эгч, дүүс амжилттай оролцож хосын төрөлд аваргын алтан медалийг хүртжээ.  Мөн ганцаарчилсан төрөлд шилдэг 32 тамирчдаас шалгарч аваргын алтан медалийн төлөө хоёрдугаар сарын 4-ний өдөр буюу өнөөдөр тоглохоор болжээ.