ОХУ-ын Тувагийн нийслэл Кызыл хотын "Сүбэдэй" спортын ордонд  Тувагийн Спортын дунд сургууль үүсэн байгуулагдсаны 15 жилийн ойд зориулсан тува үндэсний бөх хүреш буюу хүрээ барилдааны нээлттэй тэмцээн болсон байна.  Тус хүреш бөхийн барилдаанд 128 бөх хүч сорин өрсөлджээ.  

         Манай улсаас улсын өсөх идэр Ч.Батчулуун, аймгийн арслан Б.Өсөхбаяр, аймгийн заан Б.Бадарч, аймгийн начин Г.Цоггэрэл гэсэн дөрвөн бөх очиж зодоглосон аж. Увс аймгийн Түргэн сумын харьяат аймгийн начин Ганжуурын Цоггэрэл Тувагийн шилдэг бөхчүүдийн нэг Түлүш Сайын-Белектэй тэргүүн байрын төлөө үлдэж үзүүрлэсэн байна. Тэгвэл Увс аймгийн Тэс сумын харьяат аймгийн арслан Баттулгын Өсөхбаяр шөвгийн наймд үлджээ.