Сингапур Улсад энэ оны дөрөвдүгээр сарын 7-9-ний өдрүүдэд зохион байгуулагдах спорт өрөлтийн дэлхийн аварга шалгаруулах тэмцээнд оролцох боломжтой тамирчдын нэрс тодорчээ. Энэхүү жагсаалтыг гаргахдаа тамирчдын өнгөрсөн оны есдүгээр сараас эхлэн сар бүр явагдаж буй  улсын чансааны үзүүлэлт дээр үндэслэн тамирчны цикл өрөлтийн амжилтыг дэлхийн рекордтой харьцуулсан байна.

         Тус тэмцээнд наймаас доош насны хүүхдүүд эцэг, эх, асран хамгаалагчийн хамт оролцоно. Харин есөөс дээш насны тамирчдыг тухайн клуб нь хариуцан авч явах аж. Мөн 9-өөс дээш насны тамирчдын хувьд гэр бүлээс нь хүн харгалзан авч явах боломжтой. Олон улсын тэмцээний насны ангилал нь тухайн тэмцээний зохиогдож буй сар өдрөөр тооцогддог аж.  2021 оны спорт өрөлтийн дэлхийн аварга шалгаруулах тэмцээнээс манай тамирчид таван медаль хүртэж байжээ.