Словен Улсын Блед хотод нэгдүгээр сарын 23-ны өдөр гадна талбайн өвлийн усанд сэлэлтийн дэлхийн аварга шалгаруулах тэмцээн эхэлсэн билээ.

         Энэ удаагийн ДАШТ-д 31 улсын тамирчид оролцож байна. ДАШТ энэ сарын 29-ний өдөр өндөрлөх юм.  Баянгол дүүргийн Усан спорт сургалтын төвийн тамирчин 10 настай Мөнхтөрийн Цэнгүүн энэ сарын 27-ны өдөр болсон 25 метрийн уралдаанд мэлхий сэлэлтийн төрлөөр уралдаж хоёр дахь алтан медалиа хүртсэн байна.  Тэрбээр өмнө 50 м зайн уралдаанд алтан медаль хүртсэн билээ.