Монголын хөлбөмбөгийн холбооноос зохион байгуулж буй футзалын нэгдүгээр зэрэглэлийн дасгалжуулагчийн сургалт үргэлжилж байна. Онол, практик хосолсон энэхүү сургалт энэ сарын 27-ны өдрийг хүртэл  үргэлжилнэ. Сургалт МХБХ-ны сургалтын танхимд болж байгаа юм.

      Тус сургалтыг МХБХ-ны футзалын дасгалжуулагчийн сургагч багш Азийн хөлбөмбөгийн холбооны футзалын хоёрдугаар зэрэглэлийн дасгалжуулагч С.Эрдэнэ-Очир, футзалын хоёрдугаар зэрэглэлийн дасгалжуулагч П.Алтантулга нар удирдан явуулж байна.

     Сургалтыг нээж МХБХ-ны техникийн захирал Б.Буман-Учрал оролцож, өнгөрсөн онд явагдсан МХБХ-ны талбайн "Д" зэрэглэлийн дасгалжуулагчийн сургалтад тэнцсэн дасгалжуулагч нарт сертификат гардууллаа.