Тайланд Улсын Бангкок хотод “U22” хүртэлх насны боксын Ази тивийн аварга шалгаруулах тэмцээн үргэлжилж байна. Өнөөдөр манай эмэгтэй боксчид Азийн аваргын алтан медалийн төлөөх тулаанаа хийнэ. Эхний тулааныг 57 кг-ын жинд Б.Золжаргал Узбекистан Улсын тамирчинтай, 60 кг-д Т.Номин-эрдэнэ Тайланд Улсын тамирчинтай, 63 кг-ын жинд Г.Бадмаараг  дэвжээний эзэн орон Тайландын боксчинтой, 66 кг-ын жинд М.Цэцэгдарь Узбекистан Улсын тамирчинтай тус тус аваргын алтан медалийн төлөө тулалдах юм. Тус тулаан Монголын цагаар 15:00 цагт эхлэх болно.