Сонгинохайрхан дүүргийн Боловсролын хэлтэс, Биеийн тамир, спортын хороо хамтран 2023 оны нэгдүгээр сарын 19-ний өдөр Сонгинохайрхан дүүргийн Ерөнхий Боловсролын сургуулийн Биеийн тамирын багш нарын дунд “Багш, дасгалжуулагч, тамирчдын ёс зүй” “Спортын төрлүүдийн дүрмийн шинэчлэл” сэдэвт сургалтыг зохион байгуулжээ.

             Энэ удаагийн сургалтад 27 сургуулийн 96 багш нар хамрагдсан байна. Сургалтын нээлтийн үйл ажиллагааг нээж, ОНБТС-ын Үндэсний хорооны ажлын албаны дарга Э.Тэмүүжин, Биеийн тамир, спорт хорооны дарга Ц.Сосорбарам нар үг хэлж, Монгол Улсын гавьяат дасгалжуулагч, Биеийн тамир, спорт хорооны жүдо бөхийн дасгалжуулагч., ОУХМ Б.Хаштогтох, Боловсролын хэлтсийн мэргэжилтэн Б.Март, 106 дугаар сургуулийн захирал Одгэрэл, ҮБТДС-ийн дэд захирал, доктор профессор Л.Гүндэгмаа, Биеийн тамир, эмчилгээ арга зүйн тэнхимийн эрхлэгч Ш.Бат-Эрдэнэ, эрдэмтэн нарийн бичиг, доктор Д.Баасанхүү нарын зочид, төлөөлөгчид оролцжээ

           “Багш, дасгалжуулагч, тамирчдын ёс зүй” сэдэв илтгэлийг ҮБТДС-ийн дэд захирал, доктор профессор Л.Гүндэгмаа, “Спортын сэтгэл зүй” сэдэвт илтгэлийг- 3х3 Үндэсний шигшээ багийн дасгалжуулагч, Улсын шүүгч Д.Лхагва нар тус,тус тавьсан байна. Зүүн Азийн залуучуудын наадмын зохион байгуулалтын танилцуулгын талаар Улаанбаатар Зүүн Азийн наадмын зохион байгуулах хорооны ХК-ийн ахлах мэргэжилтэн З.Сүхчулуун, “Биеийн тамир, спорт хорооны 2023 оны спортын уралдаан тэмцээн, НБТ-ын арга хэмжээний зохион байгуулалт”-ын талаар БТСХ-ны Спортын хэлтсийн ахлах мэргэжилтэн Б.Отгонбаяр нар тус, тус танилцуулжээ.

            Мөн жүдо, чөлөөт бөх, сагсан бөмбөг, волейболын спортын төрлийн дүрэм, дүрмийн шинэчлэлийн талаар онол, практик сургалтыг Монголын жүдо бөхийн холбооны улсын шүүгч, ОУХМ Г.Эрдэнэбат, Монголын чөлөөт бөхийн холбооны олон улсын шүүгч, ОУХМ Л.Урианхай, 3х3 Үндэсний шигшээ багийн дасгалжуулагч , улсын шүүгч Д.Лхагва, Монголын волейболын холбооны үйл ажиллагааны менежер, шүүгч Х.Золдэлгэр нар сургалтыг удирдан явуулж, Биеийн тамир, спорт хорооноос нийт багш нараас асуумж судалгаа авсан байна.