АНУ-ын Охайо мужийн Дэйтон хотын Centerville Elks Athletics ахлах сургуулийн багийн тоглогч 203 см өндөр, 19 настай Г. Дөлгөөн суралцаж байна. Тэрбээр Япон Улсын ахлах сургуулийн сагсан бөмбөгийн багт тоглож байжээ. Түүний хувьд мөрөөдөлдөө хүрэхийн тулд АНУ-д өнгөрсөн жил очсон байна. Г.Дөлгөөний одоо тоглож байгаа багийн амжилт 13-2, дасгалжуулагч нь түүнийг анх ирснээсээ хойш эрс сайжирсан гэдгийг хэлж байна.

        Түүний аав нь улсын арслан, кураш бөхийн дэлхийн аварга  Доржпаламын Ганхуяг юм. Аав нь үндэсний бөх, чөлөөт бөх, сагсан бөмбөгийн спортоор хичээллэж байсан нэгэн. Аав нь хүнд бэлтгэлүүдийнхээ талаар бага байхаас л ярьдаг байсан нь тэвчээртэй, уйгагүй байхад дэм болжээ. Тийм дээ ч тэр бэлтгэл бүрийг шантралгүй сайн хийж, өөрийгөө харуулж гараанд гарч тоглож чадсан.

      Ш.Энхийн-Од найз нь Г.Дөлгөөнийг одоогийн багт холбож өгч, сайн дасгалжуулагчийн шавь болгосон байна. Ш.Энхийн-Од, Г.Дөлгөөн нар тоглолт бүрийн дараа уулзаж, алдаа оноогоо ярилцдаг гэнэ лээ. Сагсан бөмбөгийг эх орон АНУ-д ирээд тоглож, мөрөөдлөө биелүүлэхийн төлөө хором бүрт хичээж байгаа ажээ.