“UNC-2023” 15 спорт холбоодын нэгдсэн УАШТ-д Монголын байт харвааны холбоо “U14”, “U18”, “U21” ангиллын насны заалны аварга шалгаруулах тэмцээнээр үргэлжилж байна. Өнөөдөр тэмцээний U14 насны багийн харвааны медальтнууд тодорлоо. Хөвгүүдийн баг болон холимог багийн харваанд Эрдэнэтийн “Хангарьд” клубийн харваачид тэргүүлсэн бол охидын багаас “Эрч” клуб тэргүүллээ.

         Тэмцээний “U14” эрэгтэй багийн харваа Л.Адъяабат, М.Тэнгис, Б.Хүслэн “Хангарьд” тэргүүн байрт шалгарав. Хоёрдугаар байрт Б.Ачит-Эрдэнэ, Б.Баттөр, Т.Буяндэлгэр “Ирээдүйн одод”, гуравдугаар байрт Л.Баясгалант, Н.Наранзуун, Б.Хостөгөлдөр “Алдар” спорт хорооны баг орлоо.

        Харин “U14” насны эмэгтэй багийн харваанд Г.Ундрам, А.Энхжаргал, Н.Энхзул “Эрч” клуб тэргүүн байрт шалгарлаа. Хоёрдугаар байрт Д.Номин, М.Уранбилэг, Д.Энхриймаа “Хангарьд”, гуравдугаар байрт Б.Амин-Эрдэнэ, О.Бэршагай, Д.Энххүслэн  “Ирээдүйн одод” клубийн баг оржээ.

        Тэмцээний “U14” холимог багийн харваа тэргүүн байрыг М.Уранбилэг, Б.Хүслэн “Хангарьд”, хоёрдугаар байрт П.Энххүслэн, Т.Буяндэлгэр “Ирээдүйн одод”, гуравдугаар байрт Т.Сайханбилэг, Н.Наранзуун “Алдар” спорт хорооны баг орсон байна.

       Ганцаарчилсан харвааны “U14” насны хөвгүүдийн тэргүүн байрт  Н.Наранзуун “Алдар”, хоёрдугаар байрт А.Тамирлан “Галт сум”, гуравдугаар байрт Б.Мөнх-Эрдэнэ “Зэвт хасар” клубийн тамирчин оржээ. Охидын “U14” ганцаарчилсан харваанд тэргүүн байрыг П.Энххүслэн “Ирээдүйн одод”, хоёрдугаар байрт М.Уранбилэг “Хангарьд”, гуравдугаар байрт Н.Энхзул “Эрч” спорт хорооны тамирчин орсон байна.