Хөгжим сонирхогч залуусын сонсох дуртай “Gangbay” хамтлаг энэ сарын 11-нд “What is love color” тоглолтоо хийхээр болжээ. Тус хамтлаг анх 2019 оны арванхоёрдугаар  сарын 17-нд байгуулагдаж байжээ. Нэг ангийн залуусын байгуулсан тус хамтлагийг зөвхөн дуунуудаар нь бус тайз, дэлгэцийн уран бүтээлүүдээр нь сайн мэдэх билээ. Тэд “Кассета”, “Хакер”, “Хүний ээж”, “Бид нэг гэр бүл” зэрэг кинонд тоглосон. Өнгөрсөн зун  “Gangbay”, “Vаndebo", "Loi4ixcon" хамтарч “Зуны зугаа” тоглолтоо Төв цэнгэлдэх хүрээлэнд хийсэн билээ.

Гишүүдийн танилцуулга

Gangaa

         Дамдинпүрэвийн Ганбат нь  1999 оны зургадугаар  сарын 19-нд Улаанбаатар хотод төрсөн. 54 дүгээр дунд сургуульд дунд анги хүртлээ суралцаад, ахлах ангиа 77 дугаар дунд сургуульд суралцаж төгссөн.  Соёл Урлагийн Их Сургуулийн, Хөгжимт театрын жүжигчний ангид жүжигчин, найруулагч мэргэжлээр суралцан 2020 онд төгссөн. Тайзны нэр болох Gangaa нь өөрийн бүтэн нэрийн товчлол юм.

Baynaa

        Сүхбаатарын Баянмөнх нь 1998 оны аравдугаар сарын 14-нд  Орхон аймгийн Эрдэнэт хотод төрсөн. Улаанбаатар хотод "Зуун Билэг" сургуульд суралцан төгссөн. Соёл Урлагийн Их Сургуулийн Хөгжимт театрын жүжигчний ангид жүжигчин, найруулагч мэргэжлээр суралцан 2020 онд төгссөн. Тайзны нэр болох Baynaa нь өөрийн бүтэн нэрийн товчлол юм.

Тун удахгүй тоглолтоо хийх гэж байгаа “Gangbay” хамтлагийн онцлох таван дууг танилцуулж байна.

“Бид нэг гэр бүл” киноны дуу Гангаа- “Дүүрэн”

“Кассета” киноны дуу Баянаа-“Моя”

Gangbay-“What is love color”

“Бэхэн зүрх” киноны дуу Gangbay –“Бэхэн зүрх”

“Guys” хамтлагийн 25 жилийн ойг тохиолдуулан шинэчлэн дуулсан “Манан”