Английн нэрт “Queen” хамтлагийн гитарчин Брайан Мэйг өнөөдөр Чарльз хаан Эрхэм дээдсээр өргөмжилжээ. Өдгөө 75 настай Брайан Мэйд хэргэм олгох ёслол Лондон дахь Букингемийн ордонд болсон байна. Чарльз хаанаас хэргэм хүртэж байгаа гэрэл зургаа Брайан Мэй албан ёсны цахим хуудастаа “Хэлэх зүйл үгүй” хэмээн нийтэлсэн аж. Брайан Мэй нь нэрт “Queen” хамтлагийн  “We Will Rock You”, “Keep Yourself Alive”, “Now I’m Here”, “Who Wants To Live Forever”, “The Show Must Go On” дууг зохиож байснаараа алдаршсан нэгэн юм.

Ташрамд дурдахад, Эрхэм дээдэс хэргэмийг Брайан Мэйгээс өмнө “The Beatles” хамтлагийн дуучин, гитарчин Пол МакКартни, “The Beatles” хамтлагийн бөмбөрчин Ринго Стар, “Rolling Stones” хамтлагийн дуучин Мик Жаггер, дуучин Элтон Жон, Род Стюарт, Том Жонс нар хүртэж байжээ.