Дуу хөгжим сонирхогчдын хүсэн хүлээдэг оны шилдэг бүтээл шалгаруулах “Грэмми” наадам энэ ням гарагт 65 дахь удаагаа зохион байгуулагдах гэж байна. Энэ удаагийн “Грэмми” наадамд дуучин Beyonce эргэн ирэлт хийж, нийт есөн төрөлд нэр дэвшсэн нь хамгийн олон төрөлд нэр дэвшиж байгаа тохиолдол болсон бөгөөд түүний араас Adele, Kendrick Lamar, Brandi Carlile нар тус бүр долоон төрөлд нэр дэвшжээ. 65 дахь удаагийн “Грэмми” наадмыг комедиан Тревор Ноа эхлүүлэх бөгөөд шагнал гардуулах ёслолоос гадна томоохон амьд хөгжмийн тоглолт, мөнх бусыг үзүүлсэн уран бүтээлчдэд зориулсан хүндэтгэлийн тоглолт болох аж.

Тэгвэл уншигч та бүхэнд “Грэмми”-н долоо хоногийг эхлүүлсэн өнөөдрийн улаан хивсний ёслолд оролцсон олны танил эрхмүүдийн гангарааг үзүүлж байна.