Мьянмарын загвар өмсөгч, жүжигчин Паинг Тахон 25 настай. 18 настайдаа загвар өмсөгчийн карьераа эхлүүлсэн Паинг Тахон 2018 онд “Өмнөд Азийн дэндүү үзэсгэлэнтэй, үгээр хэлэхийн аргагүй 23 эр”-т оролцож, 2019 онд “Мьянмар таймз” сэтгүүлийн “Шилдэг 10 жүжигчин”-ий нэгээр нэрлэгдсэн юм.

           Гэвч тэрбээр өнгөрсөн жил Мьянмар Улсад болсон эсэргүүцдийн жагсаал оролцож, үзэл бодлоо илэрхийлснийхээ төлөө дөрвөн жилийн хорих ялаар шийтгүүлсэн. Паинг Тахон албан ёсны цахим хуудсандаа Аун Сан Су Чигийн зургуудын нийтэлж, эсэргүүцлийн жагсаалд хэд хэдэн удаа оролцож, дуу хоолойгоо хүргэжээ. Харин түүнийг Мьянмарын аюулгүйн хүчнийхэн өнгөрсөн оны дөрөвдүгээр сард баривчилж, Мьянмар Улсын эсрэг үзэл суртлын ухуулга хийсэн, цар тахлын дэглэмийг зөрчсөн хэрэгт буруутгаж, дөрвөн жилийн хорих ял ногдуулсан юм. “Азийн Aquaman” гэгддэг загвар өмсөгч Паинг Тахон цэргийнхэнд баривчлагдахаасаа өмнө Янгон хотын их сургуульд сэтгэл судлалын мэргэжлээр суралцаж байжээ.