"Хархорум" олон улсын кино наадмын шилдэг уран сайхны киногоор найруулагч Б.Амарсайханы "Эргэж ирэхгүй намар" тодорлоо. Тус бүтээл нь 2022 оны арваннэгдүгээр сард нээлтээ хийсэн бөгөөд Б.Амарсайхан жүжигчин өөрөө гол дүр нь тоглосон юм.

      Тус бүтээл нь АНУ-ын Чикаго хотноо зохион байгуулсан “Азийн кино өдөрлөг”-т оролцож, онцлох кино буюу “Pinnacle Career Achievement Awardee" шагналыг хүртсэн байна. Уран сайхны киног үзсэн үзэгчид киноны дараагаар найруулагч, жүжигчин Б.Амарсайхан болон продюсер С.Уран нартай киноны тухай болон Монголын ахуй соёл, өв соёлын онцлогийн талаар дэлгэрэнгүй асуулт, хариулт өрнүүлжээ. Арга хэмжээний нээлтэд Чикаго хотын “Гийнгоо” морин хуурын чуулгын хүүхдүүд болон Монгол Улсаас АНУ-ын Чикаго хотод суугаа Консулын газрын төлөөлөл оролцсон байна.