"Эргэж ирэхгүй намар" киноны уран бүтээлч, үзэгчдийн уулзалт боллоо. Тодруулбал, "ХАРХОРУМ" олон улсын кино наадмын бүрэн хэмжээний уран сайхны кино хэсэгт нэр дэвшиж буй "Эргэж ирэхгүй намар" уран сайхны киноны уран бүтээлч, үзэгчдийн уулзалт өнөөдөр болж өндөрлөлөө. Найруулагч Б.Амарсайханы найруулсан тус бүтээл нь АНУ-ын Чикаго хотноо зохион байгуулсан “Азийн кино өдөрлөг”-т оролцож, онцлох кино буюу “Pinnacle Career Achievement Awardee" шагналыг хүртсэн байна.

        Мөн өмнө нь Канадын Ванкувер хотноо 41 дэх удаагаа зохион байгуулж байгаа "Vanguard Award" олон улсын кино наадмын уралдаант хэсэгт шалгарч, дэлхийн нээлтээ хийж байв. Уран сайхны киног үзсэн үзэгчид киноны дараагаар найруулагч, жүжигчин Б.Амарсайхан болон продюсер С.Уран нартай киноны тухай болон Монголын ахуй соёл, өв соёлын онцлогийн талаар дэлгэрэнгүй асуулт, хариулт өрнүүлжээ.