• Өнөөдөр 2025-02-28

Найруулагч Б.Батдэлгэрийн бүтээл "Бүүвэй" кино үзэгчдэд хүрнэ

2023-03-31,   948

         Найруулагч Б.Батдэлгэрийн "Бүүвэй” бүрэн хэмжээний кино үзэгчдэд тун удахгүй хүрэхээр болжээ. Тодруулбал, “Promix sound” продакшн, “Red point” медиа, “Promix” фильм хамтран бүтээсэн байна.  нэг хүний кино гэдгээрээ онцлогтой. Киноны гол дүрд Л.Жижжалам тогложээ. Тэрбээр “650”, “Баавгай болох сон”, “Сорил”, “Нударга” уран сайхны, “Халиун морь” баримтат,  “Эх”, “Нэг амьдрал” богино хэмжээний, “Хайрыг битгий гомдоо”, “Хавтаст хэрэг”, “Хохирогч” олон ангит кинонд тоглосон уран бүтээлч юм. 
Хөдөө нөхрөө алдаад удаагүй бүсгүй үрийнхээ төлөө ганц биеэр хэдэн малтайгаа аж төрнө. Гэтэл газар хөдөлж, гэр нуран, бүсгүй ухаан алдав. Ухаан ороход  түүний хөлд хугарсан унь зоогдсон байх аж. Хөдлөх л юм бол түүний дээрээс нуранги дахин дарах аюул хүлээж буй. Гарах гарцгүй, уулын мухарт, эзгүй газар ганц гэрээр амьдарч байгаа тулгар биетэй бүсгүйд туслах хэн ч байсангүй. Эх, үрийн хүндхэн бөгөөд амьд үлдэхийн төлөөх тэмцэл эцэстээ хэрхэхийг “Бүүвэй” кинонд өгүүлэх аж.

Найруулагч Б.Батдэлгэрийн бүтээл "Бүүвэй" кино үзэгчдэд хүрнэ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.