Хайр бол хүн төрөлхтний мөнхийн сэдэв билээ. Бодит амьдралаас сэдэвлэн бүтээгдсэн хайрын тухайн АРВАН киног танилцуулж байна.

"The Vow"

           Ким болон Крикитт Карпентер нарын хайр дурлалын түүхээс сэдэвлэн бүтээсэн "The Vow" буюу "Амлалт" киноны гол дүрүүдэд жүжигчин Чаннинг Татум болон Рэйчел нар тогложээ.  Киноны үйл явдал нь залуу хосууд осолд орсноос болж, эмэгтэй нь амьдралынхаа сүүлийн 18 сарын хугацааны дахь ой санамжаа алддаг. Гэвч түүний ой санамжаа алдсан 18 сарын хугацаандаа хайртай залуутайгаа учирсан байсан бөгөөд эмнэлэгт сэрсэн бүсгүй түүний талаар юу ч санадаггүй. Эмэгтэйн ой санамж дахин сэргээгүй ч  залуу түүнийг өөрт нь дахин хайртай болох хүртэл бууж өгөлгүй, тэмцэж байгаа тухай гардаг.

"Southside With You"

       "Southside With You " намтар драмын жүжиг нь ерөнхийлөгч асан Барак Обама болон Мишель Обама нарын хайрын түүхийг дүрсэлдэг. Киноны үйл явдал 1989 онд Барак, Мишель хоёрын анхны болзож байсан Чикаго хотод өрнөнө.

"The Theory of Everything"

         Шинжлэх ухаанч Стифен Хоукинг болон философийн ангийн оюутан Жэйн Вайлд нарын хайр сэтгэлийн тухай өгүүлэх уг кинонд булчин сулрах өвчин туссан шинжлэх ухаанч залуугийн хайр сэтгэлийн тухай гардаг аж. Тус кинонг Жэйн Хокингийн 2007 онд бичсэн "Хязгааргүйд аялах нь: Стивентэй хамт миний амьдрал" хэмээх дурсамж номноос сэдэвлэн бүтээжээ.

"A Beatiful Mind"

      Энэхүү кинонд "Шизофениа" өвчнөөр өвчилсөн "Нобель"-ийн шагналт, агуу математикч Жон Нэшийн эхнэр Элишиа Лардетай хамтдаа аюулт өвчний эсрэг нүүр тулан тэмцэж тухай буй гардаг. Киноны гол дүрүүдэд жүжигчин Расселл Кроув, Женнифер Коннелли нар тоглосон байна.

"Walk the Line"

       "Country" чиглэлээр уран бүтээл туурвидаг байсан гайхалтай авьяаслаг дуучин болох Жонни Кэшийн бодит амьдралаас сэдэвлэн бүтээсэн кинонд арван жилийн турш хүсч, мөрөөдөж явсан бүсгүйтэйгээ учирсан ч дуучин залуу хар тамхинд донтож, хосууд хоорондоо үл ойлголцож буй тухай гардаг байна.

"I Love You Phillip Morris"

        "Би чамд хайртай Филлип Моррис" драмын инээдмийн кино нь 1995 онд шоронд танилцсан Стивен Рассел болон Филлип Моррис нарын амьдралаас сэдэвлэжээ. Рассел 2009 онд The Guardian-д өгсөн ярилцлагадаа "Энэ бол анхны харцаар хүсэл тэмүүлэл байсан" гэж хэлжээ. "Би ийм зүйл болохгүй гэж бодсон. Бид шоронд байсан. Тэр намуухан, гүн өмнөд аялгатай байсан. Би түүнийг гадаа харсан. Хуулийн номын санд ном авах гэж оролдож байсныг нь санаж байна. Тэр намхан ердөө 5 фут 2 харин би 6 фут 2, би  түүнд 'Тэвчээрэй, би чамд үүнийг авч өгье' гэж хэлсэн. Тэгээд л бүх зүйл эхэлсэн” хэмээн ярьж байжээ.

"The Edge of Love"

       Алдартай яруу найрагч Дайлан Томасийн бодит амьдралаас сэдэвлэсэн уг кинонд гэрлэсэн залууд дурласан яруу найрагч бүсгүйн хайр дурлалынхаа төлөө бууж өгөхгүй тэмцэж байгаа тухай гардаг аж.

"The Invisible Woman"

        Чарльз Дикенс болон Эллен Тернар нарын хайр дурлалыг өгүүлэх уг киноны гол дүрд жүжигчин Ралф Фиеннс болон Фелисити Жонес нар тогложээ. 1857 онд учирсан тэдний учрал 13 жил үргэлжлэх бөгөөд зохиолч Чарльз өвчний улмаас нас барснаар тэдний хайр сэтгэл төгсгөл болж буй тухай гардаг аж.

"The Notebook"

         Энэхүү кино нь  2004 онд Николас Спарксын "Тэмдэглэлийн дэвтэр" романаас сэдэвлэсэн бүтээгдсэн романтик кино юм. Уг кино нь 1940 оны үед  үерхсэн хосуудын тухай гарах бөгөөд 91 настай Жек Поттер өдөр бүр өмнө нь  бичсэн өдрийн тэмдэглэлээ уншиж, дементиа өвчтэй эхнэр Филлисдээ тусалж байсан бодит түүхээс сэдэвлэсэн кино юм.

“Eat, Pray, Love”

        "Ид, залбир, хайрла" номын зохиолч Элизабет Гилбертийн дурсамжаас сэдэвлэсэн. Тэрбээр 32 настайдаа гэрлэлтдээ аз жаргалгүй байгаагаа ойлгож, салахыг хүсжээ. Салалтаа эцэслэн шийдвэрлэснийхээ дараа жилээ дэлхийгээр аялахаар шийджээ. Хайр дурлал гэдэг хүний амьдралын хамгийн чухал үнэт зүйл болох тухай өгүүлдэг юм.