Төрийн соёрхолт хүүхдийн зохиолч, Соёлын гавьяат зүтгэлтэн Ж.Дашдондогийн мэндэлсний 80 жилийн ойг тохиолдуулан “Уран уншлага”-ын уралдааныг Хүүхдийн Төв номын сангаас гуравдугаар сарын 10-31-ний өдрүүдэд цахимаар зохион байгууллаа. Уралдаанд нийслэлийн ерөнхий боловсролын сургууль, цэцэрлэгүүд болон  Архангай,  Булган, Баян-Өлгий, Дархан, Дорнод, Дундговь, Дорноговь, Сүхбаатар, Орхон, Төв аймгуудаас 4-5 насны ангилалд 238, 6-8 насанд 149, 9-10 насны ангилалд 89 хүүхэд нийт 476 хүүхэд оролцжээ.

Хүүхдийн төв номын сангаас хүүхэд багачуудын номтой нөхөрлөх,  ном унших идэвхийг өрнүүлэх, дадал хэвшилтэй болгох зорилготой зохион байгуулсан тус уралдааны шилдгийн шилдэг оролцогчоор нийслэлийн “Сакура” сургуулийн дөрөвдүгээр ангийн сурагч А.Энхжих шалгарчээ. Тэрбээр хүүхдийн зохиолч Ж.Дашдондогийн “Найз” хэмээх шүлгийг уншиж уралдаанд оролцсон байна.

Шилдэг “Уран уншигч”-аар ангилал тус бүрээс тав, нийт 15 хүүхдийг шалгаруулсан байна.

4-5 насны ангилалд:

1-р байр: Дорнод аймаг Хэрлэн сумын 9-р цэцэрлэгийн “А бүлэг” Б.Анударь

2-р байр: Дундговь аймаг 3-р цэцэрлэгийн  “Бэлтгэл бүлэг” О.Ариунжаргал

3-р байр: Нийслэлийн Хан-Уул дүүргийн 218-р цэцэрлэгийн “Бэлтгэл Б бүлэг” Б.Ариунзаяа

Тусгай байр: Нийслэлийн 111-р цэцэрлэгийн М.Мөнхжин

Тусгай байр: Нийслэлийн Хан-Уул дүүргийн 190-р цэцэрлэг “Ахлах бүлэг” Б.Намуунбайгаль

6-8 насны ангилалд:

1-р байр: Дархан-Уул аймаг “Оюуны ирээдүй” цогцолбор сургуулийн 2-2 ангийн сурагч М.Анударь

2-р байр: Нийслэлийн Баянгол дүүргийн 93-р сургуулийн 3-р ангийн сурагч Б.Эгшиглэн

3-р байр: Дархан-Уул аймгийн “Оюуны ирээдүй” цогцолбор сургуулийн 3б ангийн сурагч Э.Эрдэнэжаргал

Тусгай байр: Булган аймгийн Баяннуур сумын ЕБС-ийн 3а ангийн сурагч Б.Лхам-Янжин

Тусгай байр: Нийслэлийн 113-р сургуулийн 1а ангийн сурагч Х.Энэрэл

9-10 насны ангилалд:

1-р байр: Нийслэлийн Сүхбаатар дүүргийн 71-р сургуулийн 4г ангийн сурагч П.Энхрийлэн

2-р байр: Нийслэлийн 136-р сургуулийн 5-5-р ангийн сурагч Ж.Лхамдулам

3-р байр: Баян-Өлгий аймгийн Буянт сумын ЕБС-ийн 5а ангийн сурагч Б.Жинжиймаа

Тусгай байр: Нийслэлийн 149-р сургуулийн 5б ангийн сурагч С.Чинхүслэн

Тусгай байр: Нийслэлийн 84-р сургуулийн 4-10-р бүлгийн сурагч Б.Мөнхжин нар шалгарсан байна.

Уралдаанд шалгарсан бүтээлийн эздэд өнөөдөр шагналыг нь гардууллаа. Ингэхдээ олон хүний бөөгнөрөл үүсэхээс сэргийлж, нас насны ангилалд шалгарсан хүүхдүүдийг тусд нь хүлээн авч уулзжээ.

Энэ үеэр уралдааныг зохион байгуулагчид “Хорио цээрийн дэглэмийн үед сургуулийн өмнөх болон сургуулийн бага насны уншигчдын дунд зохион байгуулсан манай уралдаанд идэвхтэй оролцсон бүх бяцхан уншигчид, эцэг эх, багш нартаа гүн талархал илэрхийлье. Хүүхдүүд цахим уралдаан, тэмцээнд идэвхитэй оролцдог болсон байна. Тиймээс манай Хүүхдийн Төв номын сан Ж.Дашдондогийн дууны уран бүтээлээр хүүхдүүдийн дунд уралдаан зарлахаар төлөвлөсөн. Мөн манай номын сан цар тахалын үед хорио цээрийн дэглэмээ сахиж, 30 хувь нь танхимаар, 70 хувь нь цахимаар ажиллаж байна” гэсэн юм.