ЯРУУ НАЙРАГЧ М.ДЭВЭЭЖАРГАЛЫН "ЦАГААН-УУЛ-2024" НААДАМД УНШСАН ТЭРГҮҮН БАЙРЫН ШҮЛЭГ

2024-02-23, 1610

"Цагаан-Уул-2024" наадамд "Болор цом-41" наадмын тусгай байрын шагналт, яруу найрагч М.Дэвээжаргалын шүлэг тэргүүн байр эзэлсэн. Харин яруу найрагч Б.Ганхүрэл дэд, яруу найрагч Т.Бямбасүрэн гутгаар байр эзэлсэн юм. Тус наадмын тэргүүн байрт шалгарсан шүлгийг уншигч танд хүргэж байна. Энэхүү шүлгийг тус наадмын сүүлийн шатанд өгөгдсөн сэдвийн дагуу бичиж, уншсан байна.

***

Хаврын хавсарга хавирганд тулж хуйларна
Хайрлаж тэвэрсэн шөнүүддээ халуун нулимсаа нөмөрч хононо
Хагацалд эвдэрч унтарсан харих замын дэнлүүдийг
Хариг ч, хорвоод хамтдаа л байвал асааж болно…

Гүехэн дурсамж сан, өнгөрснийг эргэн харахад

Гүнзгий, бүр улааран эргэлдэнэ

Хөл алдан унаж мэдэх чамдаа таяг болгож

Хөнгөрүүлэн өгөх минь “хайр”…

Харин наадмын нэгдүгээр шатанд уншсан "Хүлээв…" шүлэг.

***

Цээж дэх хөндүүр дуу болном

Цээжээ ханз татаад шувуу шиг ниснэм

Өвлөөр нэг тэдний хоолой

Өөр дотроо би хавар шиг урснам.

Урьдын танил эрэгт хоёул

Урд насаа дурсан суунам…

Тэнгэрт нисэж асан шувууд

Бидний дотор явгалаад

Бүрэг ертөнцийн бутанд

Дуугаа хураанам.

Үнэгэн сүүл өлмий ирвэгнүүлэн ургадаг

Үнэгтийн салхи шиг ээ дотно билээ, тантай

Нуур тольддог өврийн чулууны мэлмий шиг

Нүүргүй хүмүүсийг нулимсаараа зурдаг, та

Зүсээ хуваалцсан ч зүрхээ хуваалцсангүй

Зүгээр л ачлалт үр байж чадсангүй

Үргэлж надад хэлдэг тийм үгсээс

Үндэс нь үлдээд шархан дээр урганам

Цээж дэх дуу хөндүүр боллоо

Цээж рүү шунгаад шувуу шиг газардлаа…

Харин таны харанхуй улирал

Хажуунаас намайг тэврэн авлаа

Өргөх дуун минь цас, бороонд хувилан

Өөрийн тань хацарт л сүүлчийн үнсэлт мэт шингэг!

ЯРУУ НАЙРАГЧ М.ДЭВЭЭЖАРГАЛЫН "ЦАГААН-УУЛ-2024" НААДАМД УНШСАН ТЭРГҮҮН БАЙРЫН ШҮЛЭГ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.