Хэвлэлтээсээ гараад удаагүй цоо шинэ зургаан номыг танилцуулж байна.

1. Монголын нууц товчоон: Иж судалгаа

“Монголын нууц товчоо” бичигдсэний 780 жилийн ойг тохиолдуулан “Утга зохиолын судлал шинжлэл” редакц, “Их цуврал”-ын тэргүүн ботиор профессор Б.Сумъяабаатарын “Монголын нууц товчоон: Иж судалгаа” ном хэвлэн гаргажээ.

2. П.Батхуяг- Цэннн... шүлгийн түүвэр

Зохиолч, яруу найрагч, профессор П.Батхуягийн “Цэннн...” шинэхэн шүлгийн түүвэр хэвлэгдэн гарчээ.

3. Б.Алтанхуяг -Уншихуйд автахуй

Сэтгүүлч, яруу найрагч Б.Алтанхуяг “Уншихуйд автахуйд” нэртэй шүүмж судлалын шинэ номоо гаргажээ. Хорхэ Луис Борхэс, Эдгар Аллан По зэрэг дэлхийн алдарт зохиолчдын бүтээлүүд болон Монголын Д.Нацагдорж, Гүр.Нямдорж, Ц.Буянзаяа зэрэг 40 гаруй уран бүтээлчийн зохиолд хийсэн судалгаа, шүүмж багтжээ.

4. Юдит Шаланский- Алдагдсан зүйлсийн жагсаалт

Монсудар хэвлэлийн газраас Германы зохиолч Юдит Шаланскийгийн “Алдагдсан зүйлсийн жагсаалт” ном шинээр гарлаа. Уг номоо 2018 онд хэвлүүлсэн шинэхэн бүтээлийг орчуулагч Б.Ундрах монгол хэлнээ хөрвүүлжээ.

5. Хан Ган-Хөвгүүн ирлээ

Солонгосын зохиолч Хан Ганы “Хөвгүүн ирлээ” зохиол Монсудар хэвлэлийн газрын “Утга зохиолын цуврал”-аар Ж.Эрдэнэсүрэнгийн орчуулгаар хэвлэгдлээ. Зохиолч Хан Ган “Цагаан хоолтон” зохиолоороо 2016 онд “Ман бүүкер” шагналын эзэн болсон байжээ.

6. Т.Амар-Амгалан “Жиннн...” шүлгийн түүвэр

Яруу найрагч Т.Амар-Амгалангийн “Жиннн...” шүлгийн түүвэр мөн хэвлэгдэн гарчээ.