Монгол зохиолчдын нэгдсэн хуралдаан өнөөдөр буюу зургадугаар сарын 27-ны өдөр төрийн ордонд чуулж байна. Тодруулбал, Монголын зохиолчдын эвлэл, Монголын үндэсний чөлөөт зохиолчдын холбоо ТББ-ууд эргэн нэгдэж, нэгдсэн их хурлаа Монгол улсын ерөнхийлөгчийн ивээл дор хийж буй юм. Түүнчлэн 31 жилийн дараа зохиолчдын холбоонууд эргэн нэгдээд байна. 

Энэ үеэр  МЗЭ-Ийн Удирдах Зөвлөлийн Дарга, Яруу Найрагч Б.Ичинхорлоо дараах байр суурийг илэрхийллээ. Тэрбээр "Итгэж найдаж, эвлэн нэгдсэн зохиолч нөхөддөө чин сэтгэлээсээ баярлалаа. Оюун санааны эв нэгдлийг эрхэмлэн, Монгол хэл соёлынхоо дархлааг манаж, Эх орон, эрх чөлөөгөө дээдлэн, Үг хэл үзэл бодолдоо тусгаар монголын сүр сүлдийг дуурсган, их утга зохиолынхоо ачааг үүрч, үүргийг биелүүлцгээнэ ээ" гэлээ.