АНУ-ын загвар зохион бүтээгч Александр Ванг бэлгийн хүчирхийлэл үйлдсэн хэргээр шүүхэд дуудагджээ.

Нью-Йоркийн дизайн урлагийн сургуулийн оюутан, 21 настай Кеатон Буллин 2019 онд нэгэн клубт түүнийг хүчирхийлсэн хэмээн мэдээлжээ. Тэрбээр "Александр Вангтай 2019 оны наймдугаар сарын 24-ний өдөр "Fishbowl" клубт танилцсан. Тэр орой миний бэлэг эрхтэнд зөвшөөрөлгүй хүрсэн" хэмээн ярилцлага өгчээ.

Энэхүү хэрэгт Александр Вангийн эсрэг гомдол гаргасан 11 залууг төлөөлж өмгөөлөгч Лиза Блум ажиллаж байна. Харин Александр Ванг "Эдгээр худал мэдээлэл миний цухлыг хүргэж байна" хэмээн эрс үгүйсгэжээ. Гэвч тэрбээр ганц биш, 11 хүнд бэлгийн хүчирхийлэл үзүүлсэн хэмээн шүүхэд дуудагдаад байна.