Япон Улсад гурван сарын өмнө анхны “Ковид-19”-ийн дельта мутаци илэрснээс хойш өдөрт 100 гаруй тус мутацийн хувилбар илрэх болсон. Тэгвэл өнгөрсөн аравдугаар сарын сүүлчээс Япон Улсад өдөрт бүртгэгдэх халдварын тохиолдол буурч, өнгөрсөн баасан гарагт 16 шинэ тохиолдол бүртгэгдсэн байна.

Наймдугаар сарын дунд үеэс Япон даяар өрнөсөн коронавирусийн давлагаа зогсонги байдалтай болсныг тус улсын генетикийн мэргэжилтнүүдийг баг онолын хүрээнд дельта хувилбарын “ач” гэж үзэж байгаа юм.

          Япон Улсын Мишима хотын Үндэсний генетикийн хүрээлэнгийн судалгааны баг nsp14 хэмээн нэрлэсэн дельта хувилбарын хуулбарлах фермент дээр ажиллажээ. Судалгааны явцад дельта мутаци олон талаар өөрийгөө өөрчилж байсан ч, хувьслын дараа үйл явц нь гэнэт зогсож, өөрийгөө устгасан байна.

          Ямарваа нэгэн вирусийн мутаци нь илүү их халдварлах, дархлаанаас зайлсхийх, үхэлд хүргэх чадвартай болгодог. Гэвч зарим тохиолдолд мутаци нь “хувьслын мухардал”-д ордог гэнэ. Энэ талаар мэргэжилтнүүдийг багаас коронавирусийн үржиж, халдварлахын хэрээр санамсаргүй байдлаар генүүд нь “хуулбарлах алдаа” гаргаж, вирусийн бүтэц өөрчлөгдсөн хэмээн тайлбарласан юм.

Эх сурвалж: New York Post