Шведийн Хант Улс өнгөрсөн долоо хоногт түүхэндээ анх удаа эмэгтэй Ерөнхий сайдтай болсон. Гэсэн ч анхны эмэгтэй Ерөнхий сайд нь албан үүрэгтээ томилогдсоноосоо хойш 12 цагийн дараа огцорсон. Учир нь Магдаленагийн Засгийн газрын Ногоон нам төсөвтэй холбоотой маргааны улмаас эвслээс гарсан юм. Тухайн үед Шведийн Ерөнхий сайдаар сонгогдож, огцорсон Магдалена Андерссон “Асуудал шийдэгдэж, дахин Ерөнхий сайдаар томилогдоно гэдэгтээ итгэлтэй байгаа” тухайгаа мэдэгдэж байв.

           Тэгвэл өчигдөр Шведийн Хант Улсын парламентаас Магдалена Андерссоныг хоёр дахь удаагаа Ерөнхий сайдаар томилжээ.

           Сүүлийн долоон жилийн турш Шведийн Сангийн сайдаар ажилласан Магдалена Андерссон өнөөдөр Стефан Лофвеноос албан ёсоор залгамжилж авах юм.