“Энх саран” сувилалд тусгаарлагдаж байх үедээ коронавирус туссан гэж үзэж буйгаа сошиал орчинд илэрхийлсэн иргэн Д.Мөнхбат өнгөрсөн арваннэгдүгээр сард тус сувилалд халдвар, хамгааллын дэглэм зөрчигдсөн талаар мөн мэдээлж байсан. Түүнд “Олон нийтэд буруу ташаа мэдээлэл өгсөн” хэмээн зөрчлийн хэрэг үүсгэж, 500 мянган төгрөгөөр торгож байсан билээ.

Мөн түүнийг өнгөрсөн гуравдугаар сарын 24-нд Хан-Уул дүүргийн Прокурорын газраас Эрүүгийн хуулийн 15.6.1 дэх хэсэг “Бусдын амь насанд аюул учруулж болзошгүй халдварт өвчин бусдад халдаах, эсхүл тархах нөхцөл бүрдүүлсэн гэх зүйл анги”-аар яллах дүгнэлт үйлдэн, шүүхэд шилжүүлээд байгаа юм. Түүнийг шүүх хурал энэ сарын 2-нд товлогдсон ч хоёр хоногоор хойшлогдсон билээ. Тэгвэл шүүх хурал өнөөдөр 16:00 цагт болох юм.