Тээврийн цагдаагийн албанд өнгөрсөн амралтын өдрүүдэд бүртгэгдсэн дуудлага, мэдээллийг тоймлон хүргэе.

Тээврийн цагдаагийн албаны Жижүүрийн шуурхай удирдлагын хэлтэст тавдугаар сарын 15-16-нд нийт 528 дуудлага, мэдээлэл бүртгэгджээ. Үүнээс зам тээврийн ослын шинжтэй 342 дуудлага мэдээлэл бүртгэгдсэн байна.

Бүртгэгдсэн зам тээврийн ослын улмаас нийслэлд 12, орон нутагт зургаан хүн  гэмтэж, нэг иргэн амиа алджээ.

ХҮН ГЭМТСЭН ОСЛЫГ ХЭЛБЭРЭЭР НЬ АВЧ ҮЗВЭЛ:

 Нийслэлд:

• Явган зорчигч автомашинд мөргүүлэх хэлбэрээр гурав
• Хашаа мөргөх хэлбэрээр жолооч нэг, зорчигч хоёр
• Автомашин мөргөлдөх хэлбэрээр жолооч хоёр, зорчигч дөрөв тус тус гэмтсэн.

Орон нутагт:

• Мотоцикл онхолдох хэлбэрээр жолооч нэг
• Автомашин шон мөргөх хэлбэрээр зорчигч хоёр
• Автомашин онхолдох хэлбэрээр зорчигч хоёр
• Явган зорчигч автомашинд мөргөгдөх хэлбэрээр нэг тус тус гэмтсэн.

ХҮНИЙ АМЬ ХОХИРСОН ОСОЛ, ХЭРЭГ:

            Булган аймгийн Булган сум IV багт өчигдөр тавдугаар сарын 16-ны 23:00 цагийн орчим Toyota-Prius маркийн автомашин, улсын дугааргүй мотоциклтой мөргөлдөж, улмаар мотоциклийн жолооч амь үрэгдсэн.

Алба хаагчдаас зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийслэлд 83, орон нутагт 50, улсын хэмжээнд 133 зөрчлийг тус тус илрүүлж, учирч болох эрсдэлээс урьдчилан сэргийлэн ажилласан.

Жолооч та бүхэн согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх,  явган зорчигчид зам тавьж өгч байх,  явган зорчигч та бүхэн гарц, гарамтай хэсгээр зам гарах, бага насны хүүхдийг харгалзах хүнгүй замын хөдөлгөөнд оролцуулахгүй байх, мотоциклтой замын хөдөлгөөнд оролцохдоо хамгаалах малгай хэрэглэх, хурд хэтрүүлэх байхыг ЦАГДААГИЙН БАЙГУУЛЛАГААС АНХААРУУЛЖ БАЙНА.

ТЭЭВРИЙН ЦАГДААГИЙН АЛБА