Загвар өмсөгч С.Эрдэнэцогтыг хар тамхины хэргээг хууль хяналтын байгууллагад шалгагдаж байгаа гэх мэдээлэл гараад байгаа. Тодруулбал, түүнийг хар тамхи, мансууруулах бодис хууль бусаар олж авсан, хадгалсан гэх үндэслэлээр хэрэг бүртгэл нээн, шалгаж байгаа гэсэн юм.

Энэ талаар загвар өмсөгч С.Эрдэнэцогтоос тодруулахад “Намайг хар тамхины хэрэгт холбогдуулан шалгаж байгаа гэдэг нь худал мэдээлэл. Хэрэв ийм төрлийн хэрэгт холбогдсон бол хорьчихсон байгаа шүү дээ. Цагдаагийн байгууллагаас намайг дуудаж, мэдүүлэг тайлбар аваагүй бөгөөд шинжилгээ өгөөгүй. Би энэ талаар гомдол гаргаж, өргөдөл өгнө. Хөл хорионд байгаа учраас гарч чадахгүй байна” гэлээ.

Тэрбээр гэр бүлийн хүчирхийлэл үйлдэж, баривчлах төвд хоригдсон, хатуу хөл хорионы үед цагдаагийн алба хаагчтай “зугаалсан” зэрэг хэрэгт холбогдож, олны шүүмжлэлд өртөөд байсан билээ.