Экологийн цагдаагийн албанаас энэ оны дөрөвдүгээр сарын 7-10-ны өдрүүдэд Сэлэнгэ аймгийн Ерөө сумын нутаг дэвсгэрт хууль бусаар ашигт малтмал олборлож байгаа үйл ажиллагааг таслан зогсоож,  экскаватор 24, ачааны автомашин 17, ковш дөрөв, 18 алт угаах төхөөрөмж лацдаж шалгалтын ажиллагааг явуулахад гэмт хэргийн шинжтэй долоо, зөрчлийн шинжтэй гурван үйлдлийг илрүүлжээ.

Ялбаг гэх газарт хууль бусаар байршуулсан

-Экскаватор 20,

-Ковш долоо,

-Ачааны машин дөрөв,

-Алт угаах төхөөрөмж 12,

Харганат гэх газарт

-Экскаватор ес,

-Ковш зургаа,

-Алт угаах төхөөрөмж хоёр,

Өлөнт гэх газарт

-Экскаватор долоо,

-Ковш гурав,

Хорийн даваа гэх газарт

-Экскаватор 10,

-Алт угаах төхөөрөмж хоёр нийт 82 техник хэрэгслийг ууланд нуусан болон нутгийн иргэдийн гадна байрлуулсан байсныг бүртгэж таван хэсэг газарт нэгтгэн байрлуулж, 77 техник хэрэгслийн эзэмшигчийг тогтоож, тус аймаг дахь цагдаагийн газрын дарга, сумын удирдлагад уулнаас татан буулгах, дахин хууль бусаар ашигт малтмал олборлуулахгүй байх арга хэмжээг авч хуулийн дагуу шалгалтын ажиллагааг үргэлжлүүж байна.