Самар түүхээр явсан зургаан иргэн угаартаж нас баржээ. Уг хэрэг энэ сарын 11-12-ныг шилжих шөнө болсон байна.

Сэлэнгэ аймгийн Мандал сумын Түнхэл V багийн нутаг дэвсгэрт самар түүхээр явсан зургаан иргэн бүхээгтэй машинд угаартаж нас барсан байдалтай олдсон бөгөөд энэ талаарх дуудлага мэдээлэл өчигдөр 14:30 цагийн үед цагдаагийн байгууллагад бүртгэгдсэн байна.

Тодруулбал, Түнхэл V багт оршин суух хаягтай 22-46 насны Т, Г, Ү, О, Х, М нар нь самарт явж байхдаа бүхээгтэй машины тэвшин дээр унтаж байгаад угаартжээ. Энэ хэргийг тус сумын цагдаагийн хэлтэс шалгаж байна.