Нийслэлийн Баянзүрх дүүргийн есдүгээр хороо “Шархадны эмнэлгийн VI гудамжинд нийтийн байр шатаж байна” гэсэн дуудлагыг дөрөвдүгээр сарын 11-ний 15:48 цагт Онцгой байдлын газарт ирүүлжээ. Дуудлагын дагуу тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчид 3.5 км замыг туулан 15:54 цагт очсон байна. Алба хаагчдыг очиход 30х10 метрийн хэмжээтэй нийтийн байранд иргэн Д-ийн 3х4 метрийн хэмжээтэй өрөөний таазны хэсэг шатаж иргэд унтраасан байжээ. Гал түймрийн улмаас 55 настай, эмэгтэй Д-гийн цээж, хоёр гар, хоолой, нүүрний баруун хэсэг, 30 настай, эмэгтэй С-гийн нүүрний баруун хэсэг түлэгджээ.