• Өнөөдөр 2025-09-19

Ерөө голд осолдсон эмэгтэйн цогцсыг өчигдөр мөсөнд наалдаж, хөлдсөн байдалтай байхад нь олжээ

2021-04-01,   1124

Сэлэнгэ аймгийн Ерөө сумын Буургачин багийн Модон завод гэдэг газар /аймгийн төвөөс зүүн урд зүгт 134 км-т, сумын төвөөс урд зүгт 36 км-т/ тус сумын харьяат иргэн 53 настай эмэгтэй Р 2020 оны аравдугаар сарын 29-ний өдрийн 12:00 цагийн орчим усанд яваад Ерөө голд осолдсон. Тэгвэл өчигдөр буюу гуравдугаар сарын 31-нд 53 настай эмэгтэйн цогцсыг Ерөө голын мөсөнд наалдаж, хөлдсөн байдалтай байхад нь олжээ.

Тодруулбал, талийгаач эмэгтэйг эрэн хайх ажиллагааг 2020 оны  арваннэгдүгээр сарын 4-ны 08:30 цагт эхлүүлж, Модон завод гэдэг газраас Ерөөгийн гүүр хүртэл завиар 50 км, голын эрэг дагуу явганаар 50 км-т эрэн хайх ажиллагааг зохион байгуулж үр дүнд хүрээгүй тул ар гэрийнхэнтэй нь зөвшилцсөнөөр мөн өдрийн 18:15 цагт эрлийн ажиллагааг зогсоосон байна. Улмаар Ерөө сумын Экологийн цагдаагийн алба хаагч өнгөрсөн гуравдугаар сарын 30-нд тус сумаас урд зүгт 70 км зайд “Цагаан тохой” гэдэг газарт цогцос байгааг олж, Онцгой байдлын газарт мэдээлжээ. Ингэснээр гуравдугаар сарын 31-ний өдрийн 08:47 цагт Онцгой байдлын газрын алба хаагчид очиж, Ерөө голын мөсөнд наалдаж, хөлдсөн цогцсыг гарган Цагдаагийн байгууллагад шилжүүлжээ.

 


Ерөө голд осолдсон эмэгтэйн цогцсыг өчигдөр мөсөнд наалдаж, хөлдсөн байдалтай байхад нь олжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.