Хан-Уул дүүргийн дөрөвдүгээр хороо Ханбогд хороололд нэг иргэн өндрөөс унаж, амиа алдсан гэх мэдээ олон нийтийн сүлжээнд тавигдсан.

Энэ талаар ЦЕГ-ын Хэвлэл мэдээллийн төвийн дарга, цагдаагийн дэд хурандаа Б.Баатархүү “ХУД-ийн Ханбогд хороололд оршин суудаг 41 настай иргэн Э гурван давхраас унасан. Энэ хэргийг тус дүүргийн Цагдаагийн II хэлтэс шалгаж байна. Тухайн иргэн гэрээсээ гарах гэсэн боловч гэрийнхэн нь гаргаагүйн улмаас цонхоороо гарах гэж байгаад унасан” гэлээ.

Түүнчлэн тухайн иргэн амиа алдаагүй бөгөөд эмнэлэгт хэвтэн эмчлүүлж байгаа аж.